職人食事 (Moved) New Location

我甚少打食評，今次真係忍唔住。啱啱喺度食完野，食物質素一般，烏冬嘅湯底落咗好多味精。我特別想提醒店舖大部份職員，盡快改善其衛生常識，為大家着想。喺呢個肺炎肆虐嘅時期，點解成間舖只有2-3個員工戴口罩，其他員工喺處理食物嘅時候唔戴口罩不特止，仲要高談闊論，我唔敢想像有幾多口水溝咗落啲食物度。最離譜嘅係，有一名員工吐痰落個鋅盤度！我同朋友食完飯，好想飲枝消毒藥水消毒，可惜買唔到。為人為己，希望大家注意下衛生！好人一生平安。