Video
Read full review
2022-08-19
88 views
同朋友去完粉嶺郊遊，夜晚喺聯和墟搵好嘢食，發現呢間餐廳裝修得幾靚，於是就入去試試佢。睇到餐牌有好多選擇，可以打邊爐可以食烤魚，但我最愛都係食串燒所以就揀咗佢，再加一啲小食。杯嘢飲第一個到，大杯到我同朋友都唔敢相信，非常之抵飲，甜度適中，加上見到用咗好多生果肉去放入杯中，睇得出用咗好多成本去製作呢杯嘢飲，唔係揸流攤。再嚟就係燒茄子，茄子燒得啱啱好，唔會燶唔會淡，係一碟出色嘅燒茄子。串燒叫咗豬牛羊各兩串，送到上嚟嘅時候仲係熱辣辣，加上佢啲醬汁醃得啱啱好，非常之惹味。特別特別推介要叫佢嘅燒蠔，非常咁大隻，蠔味亦都好出色，同朋友好有衝動想叫完再叫，可惜唔係大胃王冇叫到咋。下次嚟聯和墟我都想再試呢間餐廳再食多次佢燒蠔
睇到餐牌有好多選擇，可以打邊爐可以食烤魚，但我最愛都係食串燒所以就揀咗佢，再加一啲小食。
杯嘢飲第一個到，大杯到我同朋友都唔敢相信，非常之抵飲，甜度適中，加上見到用咗好多生果肉去放入杯中，睇得出用咗好多成本去製作呢杯嘢飲，唔係揸流攤。
再嚟就係燒茄子，茄子燒得啱啱好，唔會燶唔會淡，係一碟出色嘅燒茄子。
串燒叫咗豬牛羊各兩串，送到上嚟嘅時候仲係熱辣辣，加上佢啲醬汁醃得啱啱好，非常之惹味。
特別特別推介要叫佢嘅燒蠔，非常咁大隻，蠔味亦都好出色，同朋友好有衝動想叫完再叫，可惜唔係大胃王冇叫到咋。
下次嚟聯和墟我都想再試呢間餐廳再食多次佢燒蠔
Post
