第三站

想同朋友仔出去又唔知去邊好？嚟 Board Game Cafe 就啱晒，呢間位於旺角，樓上舖，180度靚景，黑白簡約風，座位闊落，空間感十足，客人年齡層廣闊，食物方面午餐，下午茶同晚餐時段有唔同菜單供應，整體價格親民，值得到訪。前菜有黑松露蟹肉沙律，估唔到蟹肉份量咁多，啖啖肉，鹹香又鮮甜，真材實料，沙律菜新鮮，配埋黑醋十分開胃。小食有炸薯角，大大碗，香噴噴，炸至外脆，放咗一段時間仍然冇變腍，簡單嘅炸物竟然做到如此出色，驚人😦主食有飯有麵，西式為主，私心推介西班牙海鮮辣肉腸燴飯，軟糯可口，黏黏糊糊、意式鮮茄肉丸燴意粉都唔錯，肉丸QQ彈彈好好味，味道酸甜，麵條軟硬度適中且夠滑溜，幾易入口，大人小朋友都啱食。另外有意式芝士肉醬扁意粉，醬汁夠多，麵條掛汁，相比之下帶咬口，未必人人鍾意。最後有卡邦尼煙肉雜菌意粉，煙肉鹹香，雜菌味出，醬汁偏少但幾Creamy，比較容易覺得膩，建議多人分享、飲品方面有士多啤梨朱古力同綠茶，前者甜甜滋味，後者開胃解膩，各有千秋。