Video
Read full review
2012-01-07
1556 views
有兩位好朋友一月份生日，我是攪手，兩位壽星女口味都不同，真係有點頭痛，因為差不多個個月都要攪生日派對，唉乜都試過啦! 突然間諗到幾年前私房菜好hit,就不如book啦！但又唔知道去邊處揾，於是咪係open rice search.私房菜law，咁揾到兩間心儀的，於是逐個食評去睇，見呢間Secretland好評都不少有3.5平均分 咁就打電話去攞菜單並check下要幾$，頭盆連甜品一共十道菜，不包飲品，$190 per head,超抵，因早幾年食都要成三百幾，仲冇咁多道菜，立刻call老板呀田生訂枱，我話我有大約14人左右是否能包場，佢話有二十個位如果有人訂佢都會再接，但佢會話俾人聽已有14人訂咗枱，提醒可能會好嘈，真細心早一天老板仲call我reconfirm人數同提我怎樣去，並說是唐三樓，無lift撘，無門牌，唉大鑊啦！我唔知是要行三層樓，點算？因有幾位長者？但冇辦法啦都book了，點知去到個到真係冇諗過唐樓嘅樓梯裝修到好靚，好易行，放心哂!我訂咗6點半，但早了15分鐘到，一入到去好焗，冷氣未開，我地行咗三層樓，會有點熱，咁有朋友就話好熱呀！有啲投訴，我就諗我地早咗到，人地都未rea
有兩位好朋友一月份生日，我是攪手，兩位壽星女口味都不同，真係有點頭痛，因為差不多個個月都要攪生日派對，唉乜都試過啦! 突然間諗到幾年前私房菜好hit,就不如book啦！但又唔知道去邊處揾，於是咪係open rice search.私房菜law，咁揾到兩間心儀的，於是逐個食評去睇，見呢間Secretland好評都不少有3.5平均分 咁就打電話去攞菜單並check下要幾$，頭盆連甜品一共十道菜，不包飲品，$190 per head,超抵，因早幾年食都要成三百幾，仲冇咁多道菜，立刻call老板呀田生訂枱，我話我有大約14人左右是否能包場，佢話有二十個位如果有人訂佢都會再接，但佢會話俾人聽已有14人訂咗枱，提醒可能會好嘈，真細心早一天老板仲call我reconfirm人數同提我怎樣去，並說是唐三樓，無lift撘，無門牌，唉大鑊啦！我唔知是要行三層樓，點算？因有幾位長者？但冇辦法啦都book了，點知去到個到真係冇諗過唐樓嘅樓梯裝修到好靚，好易行，放心哂!
我訂咗6點半，但早了15分鐘到，一入到去好焗，冷氣未開，我地行咗三層樓，會有點熱，咁有朋友就話好熱呀！有啲投訴，我就諗我地早咗到，人地都未ready又點可以怪責呢！老板和有一位幫手的女人好殷勤咁招呼我地，我地又話要開酒，又要snack，又要搬枱，佢地都好有禮貌咁招呼，抵讚!
講咗咁多廢話，要入正題講食，第一道菜是南瓜湯，賣相好好，大廚在湯面用忌廉拉花，味道清甜，入口好滑，有啲南瓜蓉，第二道菜係
梅汁簿荷蕃茄，大廚係蕃茄上灑上梅粉並加一片薄荷葉，食了一口feel到好清新，接著是胡麻茄子，上面灑好多芝麻並淋上麻醤汁,好好味，之後上的是wasabi沙律，用羅馬生菜配合自家制的wasabi汁，我嘅friend係怕spicy都話好食唔怕攻鼻好了，終於到熱食，白汁蝦伴怪味汁，其實係白灼蝦，有個好似泰式甜酸汁用泥點的，好味但冇乜特別，跟住到了最好食嘅鵝肝醬芝士卷，賣相一般，但入口有熱騰騰的芝士味，鬆化可口，十分滿分俾九點五，個半分係扣賣相，都已經開始飽，仲有龍俐柳金菇卷
、泰汁燒豬頸肉-切得夠薄，味道好Thai taste,連我正在食緊營養減肥餐嘅靚女妺妺都忍唔住狂食，仲未完，仲有紅酒鴨胸意粉，已經飽到上心口，又要留肚食dessert，所以只食一口意粉同一小片鴨胸，味道不錯，但鴨胸有些overlook,終於到最後一味焦糖燉蛋，原來係凍的，味道適中，蛋好滑。我地一共十三人，埋單$3370,因為叫咗四枝紅酒和約十杯汽水，每人約$260,超抵，有privacy，有好嘢食，玩成四粒鐘，一定會再幫趁，在此特意多謝老板和chef田生，同個位招呼我地嘅nice助手對我地嘅嘈吵忍耐同理佢地嘅very good service
Post
