魔法甜品屋

Open Now

Now Closed

魔法由讀書個陣食到畢業出嚟做野都仲係食緊佢，睇住佢開，睇住佢裝修，同睇住佢大冇分別。諗起個陣d 糖水舖成日開完冇耐就執，個陣都冇諗過魔法可以做到咁多年，都証明佢d 野食係有d 水準。天氣咁凍，緊係食返d 熱野，揀咗花生湯圓 $23，一碗有5粒。朋友揀咗熱嘅團團圓圓 $36 ，係椰汁西米露底加d 芋圓個類。花生湯圓都大粒，又唔算係超厚皮個d，入面d 花生餡略嫌唔夠幼滑，但都好香花生味。朋友碗團團圓圓其實d料係晒底，佢撈起個陣我冇影，因為掛住食湯圓🤣，朋友話唔錯幾好，因為我唔食椰汁西米露，所以就冇偷食佢碗野。魔法另外仲有野飲同小食，有機會大家可以試下，根據以往經驗都唔錯㗎。