Video
Read full review
2018-04-28
139 views
老公舊同學約食飯，正常我係唔應該阻住佢地聚舊既，但難得同學一做地主之誼介紹我地去筲箕灣開餐，仲話唔介意我做跟德太太，小菜館就係耀東邨隔離，放工七點去到舊同學已經開定位，當時未見排隊人龍都已經坐無虛席人齊就可以起菜，首先上枱既係滷水鵝片（$88）連骨食既鵝件肉味比較香濃，如果去骨砌片最啱懶人食用，鵝片薄薄一片入口嫩滑，味道甘香，墊底既豆腐都相當出色，筷子功冇返咁上下都一夾就散，軟滑有豆香，第一碟餸已經相當有驚喜避風塘海蝦（$138）蝦頭剪去眼睛前同腳既位置，食既時候就更加方便，辣椒、蒜蓉、香蔥都炸到乾脆，味道滲透蝦肉豉蒜蒸例牌白鱔（$168）魚肉結實彈牙，魚皮煙韌充滿油份南乳脆雞件（$86）南乳醃得入味，炸過既雞件肉質保持鬆軟，食完隻碟都唔會油淋淋我地坐係近門口玻璃位置，做街坊生意既菜館，價錢相誼又夠火喉，難怪7點半已經出現人龍，好彩同學知定早啲嚟攞位
人齊就可以起菜，首先上枱既係滷水鵝片（$88）連骨食既鵝件肉味比較香濃，如果去骨砌片最啱懶人食用，鵝片薄薄一片入口嫩滑，味道甘香，墊底既豆腐都相當出色，筷子功冇返咁上下都一夾就散，軟滑有豆香，第一碟餸已經相當有驚喜
避風塘海蝦（$138）蝦頭剪去眼睛前同腳既位置，食既時候就更加方便，辣椒、蒜蓉、香蔥都炸到乾脆，味道滲透蝦肉
豉蒜蒸例牌白鱔（$168）魚肉結實彈牙，魚皮煙韌充滿油份
南乳脆雞件（$86）南乳醃得入味，炸過既雞件肉質保持鬆軟，食完隻碟都唔會油淋淋
我地坐係近門口玻璃位置，做街坊生意既菜館，價錢相誼又夠火喉，難怪7點半已經出現人龍，好彩同學知定早啲嚟攞位
Post
