牛陣 (銅鑼灣廣場一期)

Open Now

Now Closed

同女朋女係銅鑼灣行緊街嘅時候，好偶然咁遇見兩個朋友，見大家冇見好耐，就係附近搵間食店坐底慢慢傾，選擇咗位於銅鑼灣廣場一期三樓嘅牛陣食放題，貪佢可以任飲任食2小時，七点半上到去都好易有位，侍應話近期市道差咗好多，所以近呢個月嚟食嘢都唔使排隊，侍應安排咗我地座係近大堂位置，放便出去攞嘢食，我朋友話想試下新嘢冬陰公湯底，湯底係先將少少配料抄香再放冬陰公湯落去另外叫咗安格斯肥牛，豚肉，牛肉入口即溶，冬陰公湯底唔太辣，重好香，啲海鮮盤包括有帶子，蠔，魷魚，。味道都好鮮甜，大堂個啲火鍋配料都有好多選擇，飲品又多種類，選擇又多，我同朋友都係飲象啤。，同朋友飲吓食吓又夠鐘埋單走人，朋友話下次再約過。