Urban United Burger & Bar (Closed)

今日同朋友去咗元朗打羽毛球 打咗兩個月就當然去搵間等式餐廳嘆住冷氣同埋醫下個肚啦首先叫咗個 藍莓汁煎澳洲豬鞍架 呢個藍莓汁果然好有藍莓嘅質感同埋味道 因為仲有啲藍莓嘅果肉喺入面 佢係用一粒粒嘅藍莓做出嚟嘅 所以好食 而且呢個豬鞍架嘅豬肉味亦都好濃 係新鮮嘅肉味芝加哥blt牛堡 喺芥末醬同埋茄汁嘅襯託之下 牛肉嘅肉味同埋口感完全發揮出嚟 所以成個漢堡唔同某一間連鎖快餐店咁樣嘅味道炸洋蔥圈 相對之下比較平淡 因為佢冇乜洋蔥味 但係炸得上算香口藍橙梳打 有橙味 而且杯嘢藍藍哋色 幾好睇上面仲有一塊新鮮嘅薄荷葉添 所以杯嘢都有少少薄荷味 幾好飲