101肉燥飯專門店 (Closed)

Cute cute哋叫個獅子狗魚蛋，好味在有芝士心呀！煎完出嚟外微脆內軟，好味!玉子豆腐個皮好鬆脆，佢炸香咗，然後放上一層芝士，增添香濃味!係台灣餐廳食肉糙米真係最好，因為好多時都會用上新竹米，湯濃味得黎又唔會太鹹，做得都好地道吓!仲有個椰菜紅蘿蔔炒豬頸肉，豬頸肉都爽脆，係鹹咗dd, 料就十足既!個鐵板牛扒係用上牛頸脊㗎，口感係香而小小爽，即唔會好林。鍾意呢隻質感。還有個肉燥薯角，好有特式，竟然肉燥加芝士做點醬，聽同睇落都痳痳，但老公話試新野，估唔到，味道又几好喎喎套餐嘅飲品特別大杯，我哋就叫咗檸檬柑桔(食咁多肉正好飲佢)，另一杯系Latte雪鄉(甜咗d)。