大馬館 (Closed)

鋪頭位置的確是比較偏僻，夜晚去食既時間周圍附近既鋪都關左，所以條街係比較黑。不過地方偏僻也無損食物質素！今次已是第二次食，兩次都有叫招牌有骨海南雞飯，另外今次再試埋口水雞飯。先講冬瓜湯，個湯跟飯送，送到上尼仲好熱辣辣，味道好清甜。油飯有油香而不膩，食完見到隻碗唔係油淋淋，份量岩岩好可以配到碟海南雞。至於海南雞的肉質很嫩很滑，我選擇有骨因為相信會更加香有雞骨味。結果真的吃到雞既原始味道，就算不點任何醬汁也不會覺啖口。醬汁方面它配有三款，其實三款醬料都好味而且好特別，自己個人比較喜歡姜蓉同埋酸辣醬，也不知道係咪酸辣醬但係總之酸酸甜甜好開胃。今次試嘅口水雞飯都係有驚喜的，原來它的雞都係用嫩滑海南雞，但係淋上左香辣嘅醬汁係面，醬汁味道唔似坊間只係一般麻辣，而係帶有甜味的辣，送飯一流。題外話，兩次去大馬館都只有我一台客人，其實佢地嘅海南雞質素絕對不錯，性價比高，希望大家都可以行遠少少去嘗試下呢啲小店！