民聲冰室 (Closed)

友人專登來搵我食飯,我地就到公司附近既民聲冰室解決我地既晚餐.2個人唔算太肚餓只係點左個咖哩炒飯及佢地既招牌咸蛋蒸肉餅一起食.招牌菜- 咸蛋蒸肉餅亦係餐牌來抵食又好味既菜式, 見到高高既肉餅山上層再加上一粒咸蛋香見到都已經好吸引肉餅做得出奇地鬆軟入味, 唔似其他店既蒸肉餅咁死實實.再配埋咸蛋黃既咸香用來送飯一流.至於個咖哩炒飯就只屬一般, 用上咖哩粉去炒既飯十分惹味, 只可惜係炒飯偏濕而且無咩材料, 倒不如要個白飯更佳.