Video
Read full review
2017-07-27
43 views
肉餅哥！肉餅哥！真係聽個名就知呢間餐廳係食咩架啦🙈總之一句講曬，如果你鍾意食肉餅，你就真係點都要試試佢啦😀位於大圍美林村既佢，岩岩新開分店，原址本身係一大排檔黎，但經過重建，現裝修非常新淨，店內設計都幾特別架😀入到黎，完全無一種感覺係黎食肉餅既🙈因為佢既裝修都好有設計風味，似一d新式工廈既裝修，坐落其實都覺得幾舒服，燈光同成個環境設計都好match架🙃講多少少店內環境，特別既係，呢度差唔多每道牆都的印有不准吸煙既字句🙈除左更配合工廈既設計外，我諗係都想再次提醒客人餐廳位置係唔可以食煙架🙈黎呢度係食肉餅就一定架啦🙈今日小編就同友人黎食d特式貴價肉餅試試佢😀雖然價錢對於一個肉餅黎講都唔平，不過佢係用高質貴價食材去製作呢個肉餅，簡單黎講，可話佢係一個fusion 肉餅黎架添😋所以都係貴得有道理既🤗呢飯之前，小編同友人都叫左個湯，佢係$38既足料花腸雞湯😍食個肉餅前飲啖湯都幾正架，佢呢啖湯飲落好幾鮮甜，唔覺佢係味精湯黎，入面既都有雞同節瓜等既湯料比客人食，都唔錯👍🏿嘩！第一個肉餅飯上枱啦😍佢係$99既鮮味蟹粉煎肉餅😀好香既蟹味融入左係肉餅入面，經過煎香埋既果種脆脆地既質感，好好味架！一啖飯，配
位於大圍美林村既佢，岩岩新開分店，原址本身係一大排檔黎，但經過重建，現裝修非常新淨，店內設計都幾特別架😀
入到黎，完全無一種感覺係黎食肉餅既🙈因為佢既裝修都好有設計風味，似一d新式工廈既裝修，坐落其實都覺得幾舒服，燈光同成個環境設計都好match架🙃
講多少少店內環境，特別既係，呢度差唔多每道牆都的印有不准吸煙既字句🙈除左更配合工廈既設計外，我諗係都想再次提醒客人餐廳位置係唔可以食煙架🙈
黎呢度係食肉餅就一定架啦🙈今日小編就同友人黎食d特式貴價肉餅試試佢😀雖然價錢對於一個肉餅黎講都唔平，不過佢係用高質貴價食材去製作呢個肉餅，簡單黎講，可話佢係一個fusion 肉餅黎架添😋所以都係貴得有道理既🤗
呢飯之前，小編同友人都叫左個湯，佢係$38既足料花腸雞湯😍食個肉餅前飲啖湯都幾正架，佢呢啖湯飲落好幾鮮甜，唔覺佢係味精湯黎，入面既都有雞同節瓜等既湯料比客人食，都唔錯👍🏿
嘩！第一個肉餅飯上枱啦😍佢係$99既鮮味蟹粉煎肉餅😀好香既蟹味融入左係肉餅入面，經過煎香埋既果種脆脆地既質感，好好味架！一啖飯，配一啖呢個肉餅，非常正😋
特式肉餅繼續啦😀佢就係$99既原隻帆立貝黑松露蒸肉餅😀呢個味道既肉餅絕對係新式設計既fusion菜式啦掛🙈其實都幾好食架，原隻帆立貝放係肉餅上，而肉餅內都加入大量黑松露，所以食落口就已經食到濃濃黑松露既味道😊用黎送飯一流👍🏿👍🏿
最後既呢個肉餅飯都同樣係$99，佢叫原隻龍蝦蒸肉餅🙈特別地方係，佢係真係原隻龍蝦禁上碟，放係個肉餅下面架，所以呢個飯並唔係重點在於本身塊肉餅😂🙈雖然食落係有少少麻煩，因為要拆隻龍蝦黎食，不過龍蝦既味道都幾鮮，蝦頭位置重要有蝦膏😍我諗出面普通餐廳真係無得試呢個飯啦掛🤤
最後就用呢幅圖黎做總結啦，$3一支細水，最直接比我既感覺係呢間餐廳其實好有良心😂只係收$3一支水比客人🙈絕對值得欣賞😊
大家不妨試試呢間肉餅哥呀，因為有傳統既肉餅食，最平$59其實就有交易，最貴就$99既fusion肉餅，各有喜好，都好好食架🙃🙃
Post
