好一鍋海鮮火鍋專門店 (Closed)

三日內第二次打邊爐，來到見有肉骨茶湯底有點小興奮，記得每次飲完全身暖笠笠，但可能希望越大，失望越大，湯底大滾都聞唔到藥材香。呢度有點似佢樓上的大X口，有蒜蓉，炸蒜，蔥，辣椒，沙茶來混醬。推介炸魚皮，蝦同鱔片。炸魚皮有粉麵舖的質素，脆而且冇油溢味、但個魚片角就難食到海蝦彈牙新鮮、鱔片肥美，出好油、是日推介海用鮮 - 螺，火鍋來講算大隻。點左手切肥牛同美國肥牛，厚度一樣，應該都係機切，只係後者比較肥美、墨汁墨魚滑冇墨汁，白雪雪的、台式魚子腸點左兩次都冇來、麻婆豆腐丸冇麻香、吊桶仔，魷魚卷完全冇味得個口感、仲有其他火鍋店比較少見的萵筍，但比較老身有渣。野飲自己攞，個蜜瓜忌廉鮮奶好好飲，但可惜冇啤酒。甜品方面，有乳酪雪糕同少量配料選擇