果子｜海南雞飯·喇沙摻摻 (啟昌樓) (Closed)

第一次嚟到大埔食嘢，見附近有間食越南野，價錢唔會好貴，正正常常，又冇乜人，一入嚟就有位坐。咁啱係下午茶所以就叫咗一個海南雞飯，不過成日食開佢海南雞飯，見肉骨茶飯好特別所以嗌埋。海南雞飯啲雞肉幾嫩口同滑，不過雞嘅份量就少咗啲，如果份量多番少少就好啦！佢仲有包埋碗雞湯，同一杯熱飲。掛住食肉骨茶飯都唔記得影相，食完先記得影返，真係好好味，味道好特別，肉骨茶再加埋啲飯一齊食，真係好過癮，推薦大家試食！如果大食嘅話可能要加埋小食先夠。個人好鍾意佢杯熱檸檬薏米水，適合女士們，飲完真係好舒服。