肚餓了串燒烤焗專門店 (Closed)

去到尖沙咀搵食，但不同以往，唔係去食韓國野，而係去食串燒！位於尖沙咀亞士厘道，叫「肚餓了」嘅串燒烤焗專門店。的確放工落到尖咀都差不多7:30pm，冬天嘅時候更加唔洗講，特別容易肚餓。上到樓好好彩有位置，侍應馬上安排座位同落單，非常有效率！然而，寫滿串燒超級豐富嘅菜單，真係有啲叫人睇到花多眼亂，幸好今日我地四個一行人，荷包陣容龐大，一於唔好就住叫，最後乜都試咗啲！最先到嘅分別都係一啲肉串，分別有羊肉、牛肉粒、鴕鳥肉、牛舌、雞腎等等。個人係眾多肉類，極為最喜愛牛舌串燒！燒得剛剛好，而且食落爽口唔韌，調味亦非常到位。簡直一人一串都唔夠喉，必食！陸續我地叫咗嘅豬頸肉、鰻魚、雞泡魚乾、明太子餃子雞翼都到。豬頸肉燒得香口，點埋酸酸嘅泰式汁，十分開胃；至於雞泡魚乾，因為我無飲啤酒關係，淨食稍嫌有啲太咸；而明太子餃子雞翼，正如想像中入味之餘帶點辣，但係辣得過癮，係微辣個種。最後一擊，燒菠蘿、一口蕃薯、酥皮冬蔭公黑豚肉、西京比目魚，踏實之選小蕃薯唔算太貴，但我個人喜歡，因為夠甜。至於菠蘿多汁，但覺得燒得唔夠耐，唔夠熱。酥皮冬陰公黑豚肉夠晒驚喜！入口嗰種辣係馬上入侵成個口腔，特別搣少少酥皮點汁食，辣得過癮