Hungry Korean (Closed)

韓式壽司既材料就自由配搭，我地要左魷魚壽司，除左魷魚仲有紅蘿蔔，黃蘿蔔，波菜，蛋等等配菜，好足料，魷魚本身醃過，有魷魚好口感，但就無魷魚味。唔記得雞翼係咩野名！無醃過既雞翼，韓汁搭救！但韓汁味又好濃，感覺食緊個汁多過隻雞翼，所以唔太鐘意！ 辣豬肉好好食，極力推介，辣度對我來講就啱啱好，再辣啲就唔啱我食啦。超正！無論果汁，配菜，豬肉，全部都好夾好match。呢個簡直係我食過咁多豬肉製成品，呢個真係好正，好夠味，無得輸。可惜碗飯太細，爬三至四啖已經食完，剩返半碟＼豬肉要乾食。兩個人埋單$100鬆啲，都幾抵。