Video
Read full review
2024-08-05
3396 views
腸胃不好勿挑戰 ~_~係社交平台 見到好多介紹，一直無機會黎食，難得今日係附件按完摩無野做就上去試下！ 晚上8:00 幾都好多人，環境幾大，見到夜景都幾靚，仲有競飲活動都頗熱鬧！但係社交平台 見到既特價餐就唔見有，店員話宜家既優惠有$99 買一送二既Suntory，今次叫左：$78 免治雞肉軟骨棒(宮崎蛋) | 軟骨唔算太多，還可以$58 雞腿根肉 | 雞腿肉幾彈牙$58 燒芝士 | 係好硬既芝士，但燒完都係頗硬，不算太好食$138 燒鵝肝 | 幾好食既，但呢個價錢黎講好細件下，中間仲係粉粉地紅有少少血水$48 燒木魚花醬油飯團 | OK 外面脆脆地，但味道唔夠，可以自己另加鹽$68日本南瓜天婦羅 | 🌟呢個最好味，外脆內軟又夠味串燒黎講味道一般般，因為係一次過上哂，所以到食第三件既時候已經開始變凍；而$99 買一送二既啤酒有啲取巧，因為一杯已經係$99，然後你飲第二杯既時候佢都係另外收你$99，然後加一後扣返$99，目的就係收多你$9.9 加一 😅之後都有俾返下次用既優惠券$300減$100，不過其實社交平台 都有，唔知點解要俾實體券 ～？最大問題係我返到屋企之後個胃好唔舒服，前後反
係社交平台 見到好多介紹，一直無機會黎食，難得今日係附件按完摩無野做就上去試下！ 晚上8:00 幾都好多人，環境幾大，見到夜景都幾靚，仲有競飲活動都頗熱鬧！但係社交平台 見到既特價餐就唔見有，店員話宜家既優惠有$99 買一送二既Suntory，今次叫左：
$78 免治雞肉軟骨棒(宮崎蛋) | 軟骨唔算太多，還可以
$58 雞腿根肉 | 雞腿肉幾彈牙
$58 燒芝士 | 係好硬既芝士，但燒完都係頗硬，不算太好食
$138 燒鵝肝 | 幾好食既，但呢個價錢黎講好細件下，中間仲係粉粉地紅有少少血水
$48 燒木魚花醬油飯團 | OK 外面脆脆地，但味道唔夠，可以自己另加鹽
$68日本南瓜天婦羅 | 🌟呢個最好味，外脆內軟又夠味
串燒黎講味道一般般，因為係一次過上哂，所以到食第三件既時候已經開始變凍；而$99 買一送二既啤酒有啲取巧，因為一杯已經係$99，然後你飲第二杯既時候佢都係另外收你$99，然後加一後扣返$99，目的就係收多你$9.9 加一 😅
之後都有俾返下次用既優惠券$300減$100，不過其實社交平台 都有，唔知點解要俾實體券 ～？
最大問題係我返到屋企之後個胃好唔舒服，前後反胃左3~4日食唔落野 😭感覺係鵝肝或芝士有D問題。
總括黎講：環境好靚，食物及性價比一般，尖沙咀區好味既可以有更多選擇～
🏠店名： 權八居酒屋 (北京道一號)
🚘地址：尖沙咀北京道1號北京道一號28樓
Post
