博記麵館

Open Now

Now Closed

印象中，第一次幫襯呢個街市裏面的熟食檔。趕時間，隨便揀了這間【博記麵館】。早餐時段最抵食，粉麵送熱咖啡奶茶。上午11點過後，就要用優惠價才能追加飲品。不過，也只需另加 $8即可任揀餐牌上的大部份冷熱飲品 ⋯⋯ 冷熱同價，真難得！大排檔、熟食中心都未必有這種優惠。招牌牛腩河粉（$36） 河粉口感唔滑溜，勝在牛腩份量超多。採用類似清湯牛腩的炮製方法，但肉質稍硬、欠肉香。潮式牛腩倚靠滷水汁提味，清湯牛腩就要倚靠湯底；偏偏湯底並非特別熬煮，完全沒有牛味，同普通大排檔或潮州魚蛋粉麵店最最一般的粉麵湯底一樣 ⋯⋯ 即是唔好味。鮮蝦韮菜餃伊麵（$41）的湯底同招牌牛腩河粉的湯底一模一樣，唔好味。伊麵爽滑，質素幾好。鮮蝦韮菜餃大大隻，餡料就麻麻；韮菜唔夠多、欠缺韭菜香氣；蝦肉欠鮮味、唔爽口。味道麻麻，唯一優點又平又抵食；如果只要求快快脆脆又一餐，也可以考慮。