喜利餅店 (Closed)

上星期，經過禧利街，見到有間新麵包店，呢個舖位前身係 Salon 。喺禧利街頭，鄰近地鐵站，人來人往，佔盡地利！不過對住馬路，有點沙塵滾滾！ 今日經過正式開張！見門口有花牌！反正今朝遲咗出門口，買麵包食都好呀！ 店內有三文治、麵包及紙包飲品賣。麵包屬普通貨色，不外乎吞拿魚包、叉燒包、菠蘿包、麥包、方包、.........勝在新鮮出爐，由 $4 ~ $8 不等。最平係雞尾包、大多數麵包係 $6；至於三文治 $9 ~ $10，係麵包師傅新鮮製造，我見店員喺麵包工房即時攞出嚟！新鮮三文治放喺枱面，方便顧客選購！有：番茄蛋、芝士火腿、火腿蛋、吞拿魚生菜、咸牛肉生菜。另有曲奇餅、芝麻餅、蛋撻........買了三文治及麵包做早餐！火腿蛋三文治 $95 款之中，點解我特別買咗火腿蛋？因為我見到盒內有點濕氣，相信剛剛炒完蛋，尚有熱力才會有點濕氣。夠新鮮！ 炒蛋加咗鹽，微暖，有些少咸味，仲要好厚呀！真係滿足！ 火腿就凍冰冰，恐怕無淼過水！ 夾火腿果塊方包，搽咗牛油，帶點咸香味！方包只係一般質地，未夠軟熟！吞拿魚包 $6我問店員邊啲麵包係新鮮出爐架？佢話吞拿魚包。事關今日天氣凍，想食吓熱辣辣麵包！ 吞