彩雲南 (Closed)

幫襯過呢到唔止一次，呢到菌類做得幾好，個人黎講比較鍾意呢到既涼菜，涼伴白肉係個人心水，可惜今次食唔到。阿姐先黎糯米茶，有米香味，很清新。今次涼菜點了皮蛋豆腐同埋手撕雞。皮蛋豆腐賣相好似唔同左，汁依然做得唔錯，味濃開胃。手撕雞帶小小辣，較為普通一點。雖然係涼菜，但係一d都唔取巧，同主菜份量差不了。阿姐推介氣鍋雞，其實未試過飲氣鍋雞，要左個大路d既松茸氣鍋雞。湯飲落充滿松茸味，夠哂香。飲到尾個盅仲出煙，堅。呢到菌出名，主菜當然要左個公爆牛肝菌，牛肝菌薄切黎炒，食落牛肝菌比之前湯既松茸更香。原先要粉蒸肉，可惜賣哂，阿姐推介回鍋肉，用薯仔替代荀都係第一次試，炒得很入味，豬肉帶有少少辣味。之前試過蒸乳餅，今次試煎乳餅，蒸乳餅配雲南火腿食，火腿鹹味配乳餅既羶，原來好夾。反之今次煎乳餅，煎就一定係香口野，羶味變淡，下次都係食返蒸吧。再要個煎藕餅，食落感覺似食煎魚餅，油而不膩，水準可以既煎蓮藕餅‧金沙洋芋絲是必叫的，薯仔刨得很幼，每條既蛋黃都好平均，炸得亦脆，伴酒佳品。今日食得飽飽，唔洗米線結尾，呢到米線都做得唔錯。很滿意的一餐，值得一試。