鳳城1954 (MegaBox)

Open Now

Now Closed

我真係好中意去飲茶架，所以男朋友一提議去飲茶，我九秒九答好呀！今日我地揀左mega box間鳳城1954，我們被安排坐望窗卡位，環境好寫意包羅萬有一次過可以試到三款包點，豬仔樣嘅係叉燒包，黃色果個係奶黃流沙包，而綠色果個就係綠茶流沙包。個人最喜歡係奶黃流沙包，食果時真係要小心d呀，因為真係好流沙同好熱！彩虹鮮蝦餃老套講句真係皮薄餡靚，裡面全部都係蝦，一點都唔吝嗇！蝦多士鳳城最出名就係蝦多士，個人覺得佢係全港最好味，每件都有成隻蝦，又唔會沾太過多粉，即叫即炸好香脆！鮑魚燒賣小鮑魚入口煙韌，燒賣餡料飽滿豐富，咬口結實。胡椒豬肚雲吞湯今次呢個胡椒豬肚湯最有驚喜！先講個湯，真係好夠味好足料，我同男朋友都飲光光！雲吞嘅餡又係勁多蝦架，以$39泥講真係勝價比高。西米焗布甸西米焗布甸係酒樓已經買少見少，甜度適中又唔膩，兩個人share剛剛好，為呢個早餐劃上完美句號。