傷心酸辣粉 (電氣道) (Closed)

突然好想飲胡椒豬肚湯，但係又懶得自己整，所以上openrice search下邊到有得賣，竟然俾我發現傷心酸辣粉有個同心抗疫火鍋套餐係有胡椒豬肚雞煲，可以有得飲胡椒豬肚湯又有得食雞煲，咁又幾好喎！呢個抗疫火鍋套餐仲有重慶麻辣雞煲、重慶香辣烤魚同老壇酸菜烤魚添！胡椒豬肚雞煲豬肚同雞既份量好多，雞偏瘦，無乜肥膏，豬肚爽脆有嚼勁，無異味處理得唔錯，火鍋配料有肥牛、腸仔、牛丸、花枝丸、芝士腸、雲耳、生菜同薯粉，仲有兩包紙包飲品。胡椒湯底超級多胡椒粒，勁重胡椒香味，但又吾算好辣，用黎打邊爐真係一流。要特別一提係佢地既外賣會用保鮮紙再包實個外賣盒，等d湯吾會咁易流出黎，呢一點真係好貼心！