港麵子 (Closed)

禮拜六夜晚，我同朋友就近黎咗德福穩野食，見到呢間新開嘅麵食餐廳，就一於試下新野。可能因為太夜同新開嘅緣故，店入面嘅人唔算太多，環境比較靜，裝修都有小小家庭嘅味道。😜呢度d面幾得意嘅係可以自由選擇麵嘅種類，唔好以為係香港人成日係街邊麵檔食嘅油麵，粗麵等等，呢度主要要拉麵為主我就叫左碗骨膠原牛尾番茄湯麵（$88）朋友中意食番茄，就叫左，價錢都唔算便。🤔先講碗番茄骨膠原牛尾番茄湯麵 （$88）個賣相真係幾好，有小小稠，有一種番茄味會好重嘅感覺，但事實上食落去就覺得湯底唔夠濃郁，番茄嘅味道比想象淡。麵嘅質感就不過不啦，比較爽口，但始終因為個湯底番茄味唔夠濃，食得唔夠過癮。😢相反，個牛尾就抵讚喇，選料唔錯，炆得好num，🤤入曬番茄味，加埋骨上嘅筋位，吮起身好正。再講翻我叫個港麵派對（$108）入面有三個小菜:口水雞 ，雲耳同篙筍海蜇。☺️同埋3碗細麵，每樣野都細細份，咁嘅搭配岩曬我呢d樣樣試d既人。🤤3個小菜整體都係不過不失，唔算太特別。個3碗細麵，一碗就係岩岩已經介紹個嘅，番茄， 一碗係擔擔麵，食落去都係有個問題，麵質區別唔大，但湯底始終唔夠濃郁，擔擔麵獨有嘅花生醬香味唔係幾夠，辣度又唔夠，我就