榮式燒雞扒 (吳松街) (Closed)

今日遲左收工，出到佐敦已經差不多3點。午餐未食餓到個肚打晒鼓，即刻上「開飯網」搵下附近有咩食先。之後發現附近有間「榮式燒雞扒」，以前已經略有聽聞但未曾食過，一於就過去試下。店鋪的面積唔大，座位亦編排得頗密集，不過只是諗住食個快午餐，所以無咩所謂。睇一睇餐牌，除了飯，其實仲有撈丁和烏冬之類可以選擇，都算多元化。最後我決定先試一試「雞扒肉燥飯」。肉燥的味道及不上台灣食肆那樣好，缺少了一些香味，所以撈飯食只是不過不失。但是雞扒就的確做得唔錯，唔咸、甚至可以話淡口，一入口就食到黑椒的香味和雞肉味。而且雞皮燒到脆脆地，口感很好👍🏼上菜的時間比預期長少少，相信係因為塊雞扒是即燒的關係，所以要俾些耐性至得。臨走前見到隔離檯的食客叫左雞扒烏冬，望落似乎唔錯，下次再來的時候就試食烏冬啦。