Video
Read full review
2010-05-31
39 views
約左好朋友們食飯因為想派手信俾佢地，由於旅行返黎後一直病都未好過，所以實在無咩心情諗食咩野。問佢地有咩意見有人提議食日本放題，平日我應該會認真地諗一間餐廳的，不過懶惰兼近來腦閉塞既我就隨便地搵左一間放題算數，揀左松屋只係因為佢近同埋有檯，實在無咩特別原因。訂左晚上七點準時黎到，黎到都幾多人食，眼見都好似滿哂咁濟，而且大部分都係年輕人呢。食物選擇一般，同一般放題無咩分別，都係個D野食。刺身有七至八款揀，不過全部都只係一般，切得時厚時薄，馬刀貝幾爽口幾鮮味，算OK好食，其他就無咩特別。不過立魚一入口簡直腥到癲，超難食，咬一口已經放棄。手卷做得幾HEA下，材料得好少，好似食白飯咁，而且D紫菜超靱。串燒算係比較好既食物，食左幾款都唔錯，如燒雞翼，冬菇，牛舌，雞軟骨等，普遍都無咩大問題~~~ 有一款好似叫牛肩脊，呢個幾好食幾香牛味。天婦羅我唔敢食，只係食左一隻炸蠔，都係一般，炸粉幾厚，蠔唔係特別新鮮，不過都無怪味。仲有食左秋刀魚同三文魚頭，呢兩個都可以接受，起碼唔難食，但就唔會期望好有魚既鮮味。雖然我覺得應該唔係真既秋刀，但起碼唔腥，勉勉強強啦。佢有幾款新推出既食物，翡翠螺幾大隻，有鮮味又爽口，
訂左晚上七點準時黎到，黎到都幾多人食，眼見都好似滿哂咁濟，而且大部分都係年輕人呢。食物選擇一般，同一般放題無咩分別，都係個D野食。刺身有七至八款揀，不過全部都只係一般，切得時厚時薄，馬刀貝幾爽口幾鮮味，算OK好食，其他就無咩特別。不過立魚一入口簡直腥到癲，超難食，咬一口已經放棄。
手卷做得幾HEA下，材料得好少，好似食白飯咁，而且D紫菜超靱。串燒算係比較好既食物，食左幾款都唔錯，如燒雞翼，冬菇，牛舌，雞軟骨等，普遍都無咩大問題~~~ 有一款好似叫牛肩脊，呢個幾好食幾香牛味。天婦羅我唔敢食，只係食左一隻炸蠔，都係一般，炸粉幾厚，蠔唔係特別新鮮，不過都無怪味。
仲有食左秋刀魚同三文魚頭，呢兩個都可以接受，起碼唔難食，但就唔會期望好有魚既鮮味。雖然我覺得應該唔係真既秋刀，但起碼唔腥，勉勉強強啦。佢有幾款新推出既食物，翡翠螺幾大隻，有鮮味又爽口，都OK。明太子雞翼幾好食，幾香口，有幾香明太子味。不過佢個款芝士年糕好難食， 入口只係食到一堆軟綿綿既野，完全無味... 千奇唔好叫呀。
另一印象中好難食既就係小丸子，入口好淋，似食緊麵粉而且覺得入面好似咩料都無咁。最後甜品要左芝麻雪糕，OK啦，幾香芝麻味，無雪粒。 飲品可以隨便叫，但大部分都係幾甜下，問佢佢話無得走糖喎。
其實味道麻麻我都預左，純粹真係太懶同無咩心情去搵一間好D既餐廳，真係對唔住，我下次會認真返架啦。=(
Post
