Video
Read full review
2019-06-24
981 views
呢排去完日本，覺得對於日本野食好似食極都仲未夠喉，所以專登同朋友黎整大阪燒，回顧下日本之旅！一入到去，職員就同我地講限時90分鐘，每人最低消費$100，所以我地就叫左2個御好燒同1個廣島燒，分別係富士山（$118）、肉類雜錦（$88）、廣島燒（$98）。 （因為個個樣塗上醬後都差不多，所以就唔放晒上黎啦！）製作方面就係御好燒容易整好多，因為只係將配料混合，直接倒落鐵板上面，燒5分鐘就翻一翻，翻2次就搞掂。相反，廣島燒又要炒麵，粉漿少，所以翻面時好易整到一pat野，最後有職員主動行過黎問使唔使幫手，幫我地整返靚個餅！御好燒味道方面，富士山比起肉類雜錦更合我個人口味，因為富士山入面不只得肉，仲有不同海鮮，例如蝦、魷魚等等，所以係味道方面唔會太膩，食到海鮮既時候會有清新既感覺，相反，肉類雜錦就有好多肉，成個餅啖啖都係肉，食第一啖會覺得好食，但食到第3/4啖就覺得好膩唔想食，不過對於肉食愛好者，呢個都可以推薦既，因為d肉食落去都算嫩，而且份量足，一定可以滿足大家對肉既渴望，但我個人就會較推薦有海鮮既御好燒！至於廣島燒方面，麵要自己去調味，雖然支醬料隻色好深，但係冇咩味，所以建議大家可以落左醬，
一入到去，職員就同我地講限時90分鐘，每人最低消費$100，所以我地就叫左2個御好燒同1個廣島燒，分別係富士山（$118）、肉類雜錦（$88）、廣島燒（$98）。
（因為個個樣塗上醬後都差不多，所以就唔放晒上黎啦！）製作方面就係御好燒容易整好多，因為只係將配料混合，直接倒落鐵板上面，燒5分鐘就翻一翻，翻2次就搞掂。相反，廣島燒又要炒麵，粉漿少，所以翻面時好易整到一pat野，最後有職員主動行過黎問使唔使幫手，幫我地整返靚個餅！
御好燒味道方面，富士山比起肉類雜錦更合我個人口味，因為富士山入面不只得肉，仲有不同海鮮，例如蝦、魷魚等等，所以係味道方面唔會太膩，食到海鮮既時候會有清新既感覺，相反，肉類雜錦就有好多肉，成個餅啖啖都係肉，食第一啖會覺得好食，但食到第3/4啖就覺得好膩唔想食，不過對於肉食愛好者，呢個都可以推薦既，因為d肉食落去都算嫩，而且份量足，一定可以滿足大家對肉既渴望，但我個人就會較推薦有海鮮既御好燒！
至於廣島燒方面，麵要自己去調味，雖然支醬料隻色好深，但係冇咩味，所以建議大家可以落左醬，見到差不多色黎試一試味，如果唔夠味就可以落多少少醬，如果唔係就會太淡味。而口感方面廣島燒比御好燒更爽口，可以因爲冇咁多粉漿，所以椰菜食落去會清爽d, 唔會一pat pat 咁，但個皮方面就冇御好燒咁脆（可能因為冇咩粉漿去整個皮）！
本身諗住叫多個pancake, 但因為有限時，整唔切，所以就唯有等下一次啦
Post
