泰靚平 (Closed)

作為大西北嘅居民，俾人問到有冇一間燒肉價錢平民又適合大食積，我即時諗到馬田路，嚟到發現原來佢轉咗新舖頭，但係依然係食燒肉，價錢依然差唔多新店竟然有主題，除咗基本嘅燒肉同雪糕之外其他食物主打係泰式，熟食，飲品，甜品都泰式為主，冇得去潑水節都可以食住泰國野頂住先最令我印象深刻一定係放題竟然有火山排骨，冬陰功，船麵，生菜包同香蕉煎餅，仲有唔同款式嘅棲息飲品必式甜點泰式飲品必加珍多冰或者三色冰，煙韌嘅口感，配泰式奶茶或者椰汁味道都夾除咗外面自助嘅嘢食嘢飲之外，仲送上一轉海鮮雖然位置唔算方便，但係嚟食嘅人都唔少，食物種類唔少仲可以自助式夾真係買少見少，難怪我哋走嘅時候座無虛席