Video
Read full review
2022-08-03
248 views
呢間牛極聽聞係全自助式既鐵板燒，佢有10間分店咁多，好耐未食過呢種形式嘅我，今日就一於試吓呢一間牛極，佢嘅裝修有一種親民嘅感覺，唔會有種嚴肅，你可以隨意地攞自己既用具，咁嘅形式都係第一次，近門口放切咗一部自助點餐機，當你點完你想要嘅牛肉之後，就可以即刻以現金或者其他嘅電子形式付款，可能我比較少食呢一類型嘅餐廳，所以都係第一次見，當點完你想要嘅餐之後近旁邊有一排自助吧，原來除咗你揀選嘅牛之外，所有嘢都係自助式，例如餐具同醬料等，甚至飯都可以因自己嘅食量而加減，佢同湯，沙律一樣都可以無限添加👍🏻👍🏻啱晒唔想浪費既我😆😆今次我就叫咗一份最普通嘅牛肩排180g試下，大約五分鐘就到，原來佢哋首先只會供應一成熟既牛排，係由我地係一塊燒到紅紅既熱石上面烹調，根據自己嘅喜愛做到五成甚至全熟，我覺得幾有心思，又可以試下自己煎之餘又食到唔同成熟到嘅牛肉，真正叫即烤即食🫶🏼🫶🏼首先講吓佢嘅牛肩排，我比較鍾意食五成熟嘅牛肉，當仲有少少血水嘅時候，喺石板上面切落嚟即刻食個感覺好唔同，佢嘅肉質好爽嫩，牛味都好重，熱辣辣咁食真係好味好多，肉質都鎖住係裏面🤤🤤牛肉係主角，而佢嘅配角🍚白飯都係非常之唔錯，佢哋都係全部採
今次我就叫咗一份最普通嘅牛肩排180g試下，大約五分鐘就到，原來佢哋首先只會供應一成熟既牛排，係由我地係一塊燒到紅紅既熱石上面烹調，根據自己嘅喜愛做到五成甚至全熟，我覺得幾有心思，又可以試下自己煎之餘又食到唔同成熟到嘅牛肉，真正叫即烤即食🫶🏼🫶🏼
首先講吓佢嘅牛肩排，我比較鍾意食五成熟嘅牛肉，當仲有少少血水嘅時候，喺石板上面切落嚟即刻食個感覺好唔同，佢嘅肉質好爽嫩，牛味都好重，熱辣辣咁食真係好味好多，肉質都鎖住係裏面🤤🤤
牛肉係主角，而佢嘅配角🍚白飯都係非常之唔錯，佢哋都係全部採用日本嘅珍珠米，粒粒飽滿之餘質感都係啱啱好，食落有啲煙韌，另外仲有紫菜粉俾你，隨你喜歡加多或少😍😍
除咗白飯之外另外重點必飲嘅就係佢嘅自家湯水，佢哋每一段時間都有唔同嘅湯水，咁啱我今日嚟到嘅就係自家製日式牛肉湯，雖然佢係餐湯，但係完全地感覺到佢哋既用心製作，裏面有好多嘅配料，例如蕃茄，蘿蔔，洋蔥同牛肉等，有咁多嘅材料先可以餚出咁濃味嘅湯，我覺得個湯嘅鹹到啱啱好，完全飲唔出有味精，佢有一浸好重嘅蕃茄味，加啲肉落去令到個湯更加鮮甜，我飲左兩碗，好滿足😋😋另外仲有自家製嘅燒汁，佢嘅醬同出邊嘅有啲分別，我覺得鹹甜度啱啱好，出面有啲會過分鹹，但呢個醬汁沾牛肉一流🤤🤤
Post
