野郎Stone (Closed)

嚟到尖沙咀嘅一條巷仔發現咗一間可以食石版燒嘅烤肉店 佢係比較自助形式嘅 喺門外有放到一部自助點餐機 但只係收八達通信用卡等等 所以如果食嘅話就要預備 係唔收現金呀 入到去間鋪頭好細所以都坐得比較迫 而我就叫咗200 g嘅肉眼扒 加多$30轉套餐 有埋沙律飯同埋湯仲有汽水可以任添嘅🥳佢張枱旁邊有教到你點樣去食呢一個餐 佢教嘅係食一口燒一口嘅方法 但係我哋發現呢係唔work嘅因為你一路切一路燒嘅時候 其實剩低未切嘅嗰部份呢都一路被煮熟緊 所以你根本就係冇可能可以做到你想要嘅效果😐所以下次要食之前我就會拎個碗將個塊生嘅扒放咗落個碗先 然後要食先切黎燒 咁就可以避免全熟啦 另外佢仲有三款唔同嘅醬汁俾你選擇但係我覺得最好食嘅都係就係加黑胡椒就夠啦 整體來講呢間舖都算抵食嘅 尤其是午市 不過下次我諗應該就唔會轉套餐啦因為我就唔太鍾意佢啲沙律啦 （純粹係椰菜絲加芝麻醬）🙈