Video
Read full review
2004-05-03
16 views
有朋友報料說這裡有自助燒烤，今日星期日就約左成班人來。呢度位處小白露餐廳的頂樓，來的時候正值黃昏，風涼水冷，景致一流。燒烤係用炭燒，好似一般燒烤場，佢地會用火槍幫客人起爐。食物並非叉住來燒，而是放在鐵架上烤，風味稍欠。地點雖然是露天，但昨晚風涼水冷，唔使對住個烤爐的話都幾舒服的。有大電視在播保頓對列斯，一路燒烤一路睇波，幾正。樓下廁所好乾淨，洗手又夠方便。自助食物都算有幾多，有簡單的沙律吧，但都只是生菜、什果、白雲鳳爪等普通貨色，賣相一般，亦未試過，朋友吃過說不試也不是損失；燒烤食物有牛扒、串燒羊、各式丸類及腸、多春魚、蝦、扇貝、粟米、秀珍菇等等。連方包都有，可以整多士。各式肉類唔使試都知係雪藏貨，落重味精及鬆肉粉，味道可想而知。不過都已在預計中，因為就算其他任食燒烤如白石同西貢都係咁，來得食就預左。佐料如蜜糖及牛油等有充足的供應，飲品每人包一罐，再叫就十蚊一罐。當然以食物的味精含量，加上燒烤，大家都係起碼飲兩、三罐汽水。呢度有酒供應，問過Corkage收30蚊一位，幾貴，所以我地都無帶酒來。埋單每位98蚊再加一，另加飲品大概百三蚊左右。以地方計又大家玩一晚，都唔算太貴。自助燒烤一星期
自助食物都算有幾多，有簡單的沙律吧，但都只是生菜、什果、白雲鳳爪等普通貨色，賣相一般，亦未試過，朋友吃過說不試也不是損失；燒烤食物有牛扒、串燒羊、各式丸類及腸、多春魚、蝦、扇貝、粟米、秀珍菇等等。連方包都有，可以整多士。各式肉類唔使試都知係雪藏貨，落重味精及鬆肉粉，味道可想而知。不過都已在預計中，因為就算其他任食燒烤如白石同西貢都係咁，來得食就預左。佐料如蜜糖及牛油等有充足的供應，飲品每人包一罐，再叫就十蚊一罐。當然以食物的味精含量，加上燒烤，大家都係起碼飲兩、三罐汽水。呢度有酒供應，問過Corkage收30蚊一位，幾貴，所以我地都無帶酒來。
埋單每位98蚊再加一，另加飲品大概百三蚊左右。以地方計又大家玩一晚，都唔算太貴。
自助燒烤一星期七日都有，如果想平日來就要3日前通知，週末就唔使。我估平日人少D，食物都唔會有咁多。
六點半可以開始燒，九點半就收爐，佢話十一點就清場，不過路途遙遠，十點左右就執野走。走的時候大家都坐的士去火車站，因為沒有的士，都要等左一輪，所以奉勸都係埋單時就call定車就唔侯等咁耐。未到火車站大家已經鬼咁口渴，見到便利店，啤酒的啤酒，可樂的可樂，先至止到渴。
Post