牛極 (通菜街)

Open Now

Now Closed

2019年6月3日 星期一今日早左收工，就諗住出去旺角買做運動既裝備，順便周圍行下。買完見有d肚餓就睇下附近有乜好野食突然見到有呢間熱石牛柳，聽講最近網上面好多人食，但我就從來都未試過，一於睇下係點一入到去就好似日本既拉麵店咁有部機要入錢選擇食d咩，揀完就出左一張飛再入去坐低，而我要左400g既牛柳，當然一叫就要叫最大坐低左發現裡面既裝修簡單得黎又有少少日本風，上面掛住d日本燈籠店員之後同我講可以去自助區拎沙律、飯同牛肉湯，沙律既菜好新鮮，仲有3個唔同既汁可以加，咁我當然係要最鐘意既胡麻汁喇。至於飯係用飯煲蓋住，一打開仲係熱辣辣，食落好軟綿綿，仲可以自行加紫菜碎一齊食無咁單調添終於主角出場，塊牛柳有半塊石板咁大，好香。店員話可以自行烹調到適合既熟成度，因為本身塊牛柳只係一成熟我切開晒佢再慢慢烤每一邊到大約三至五成熟，見到大部分既血水都無就一啖食落去，果一陣牛肉味真係好濃，濃到成個口都擴散開去，肉質好嫩，一咬就融化，好似食緊日本和牛咁，幸福既感覺走晒出黎，好慶幸自己有叫到最大份量下次一定會再黎試其他部分，睇下有咩分別！