Video
Read full review
2023-05-13
19 views
放工諗住去街市買餸, 點知比我見到街市隔離條巷有間專賣漢堡, 意粉, 飯同小食嘅小店 - 意堡, 唔係見到佢個易拉寶, 都會好容易行過呀! 睇睇下雖然款式唔多, 但見到全部都即叫即整, 於是餸都唔買, 入去坐低試下先。呢間小店, 入面得吧枱, 大概可以坐5-6個人, 可以望住老闆整漢堡, 香噴噴咁等食 超級期待。漢堡有6走, 有牛, 豬, 雞, 仲有大啡菇同煎蛋漢堡, 都幾特別。意粉同飯都有6款。我冇咩飯癮, 我揀咗個香草雞扒漢堡, 同佢地自家製嘅檸檬薏米水。香草雞扒漢堡 - $45佢個雞肉漢堡真係超級大, 漢堡包用牛油烘一烘個包底, 配上沙律菜, 厚片蕃茄, 加埋有微辣嘅沙律醬; 雞扒煎到外脆, 內鮮嫩多汁, 又超級厚, 真係啖啖肉, 食到我舔舔脷, 真係好好味!自家製嘅薏米水 - $7我鐘意檸檬薏米水, 仲要自家製, 唔甜, 好清新, 食完漢堡, 飲埋啱啱好。以為唔係好多人知, 但坐係度食食下, 見到都好多人叫外賣喎! 性價比超高，絕對係係會返轉頭, 下次要叫埋同事一齊嚟試下先。#意堡#美食 #香港美食 #相機食先#觀塘美食#漢堡#觀塘#漢堡包#小店#漢堡包店#觀塘餐廳#觀塘好去處
呢間小店, 入面得吧枱, 大概可以坐5-6個人, 可以望住老闆整漢堡, 香噴噴咁等食 超級期待。漢堡有6走, 有牛, 豬, 雞, 仲有大啡菇同煎蛋漢堡, 都幾特別。意粉同飯都有6款。我冇咩飯癮, 我揀咗個香草雞扒漢堡, 同佢地自家製嘅檸檬薏米水。
香草雞扒漢堡 - $45
佢個雞肉漢堡真係超級大, 漢堡包用牛油烘一烘個包底, 配上沙律菜, 厚片蕃茄, 加埋有微辣嘅沙律醬; 雞扒煎到外脆, 內鮮嫩多汁, 又超級厚, 真係啖啖肉, 食到我舔舔脷, 真係好好味!
自家製嘅薏米水 - $7
我鐘意檸檬薏米水, 仲要自家製, 唔甜, 好清新, 食完漢堡, 飲埋啱啱好。
以為唔係好多人知, 但坐係度食食下, 見到都好多人叫外賣喎! 性價比超高，絕對係係會返轉頭, 下次要叫埋同事一齊嚟試下先。
#意堡#美食 #香港美食 #相機食先#觀塘美食
#漢堡#觀塘#漢堡包#小店#漢堡包店#觀塘餐廳#觀塘好去處 #觀塘小食#hkfood#hkfoodie#香港美食#西餐#意粉#spangle意堡
Post
