芋圓圓 (Moved) New Location

食完飯，甜品一定唔少得🙈所以決定去試一試呢間專食芋圓嘅芋圓圓😊其實旺角太子附近都有好多甜品舖，今次想試試係因為呢間係自家制芋圓☺️入到舖頭入面會見到製作工具同材料😊同朋友一人一碗糖水芋圓加2蚊☺️加2蚊嘅意思係多芝麻同綠茶味各2粒，如果唔加係唔會有呢兩種味嘅芋圓，所以建議可以加2蚊試一試😎🔺桂花雪梨海底椰秋天係要潤一潤❤️如果鍾意清清甜甜就可以選擇呢個😊🔺喳咋我比較鍾意呢碗😆因為加埋芋圓一齊食係好有口感👍🏻🔺椰汁西米露同喳咋一樣咁好味😋西米煮得剛剛好😊總括嚟講：1️⃣值得加2蚊去試試芝麻同綠茶味芋圓，因為兩隻味都好出。2️⃣自家制芋圓，口感好好，煙煙韌韌。3️⃣糖水唔會過甜，三碗嘅甜度剛好。4️⃣如果唔鍾意食芋圓，可以淨食糖水。5️⃣可以再幫襯嘅芋圓舖😊6️⃣如果對手工芋圓有興趣，可以買返屋企，有埋教學。