秋千.在 (Closed)

一杯咖啡，一口麵包，一部相機，通常假日都係咁樣渡過～ 今次搵咗呢間位於佐敦附近新開嘅Cafe，專登來搵呢一個韆鞦打卡，影下騙照🙈👭《煙三文魚牛油果蕃茄他他·原味貝果》$78🥯🍣🍅煙三文魚都蠻厚切同大片，夠煙熏味，但唔會好鹹，原因係佢嘅他他醬配合得好好，蕃茄加上墨西哥辣椒🌶️，酸酸辣辣，非常清新，另外餡料入邊加上牛油果，令整體味道更細膩、增加餡料嘅綿軟潤滑感。自家手製嘅Begal，最大嘅賣點信相就係無油少糖，而且又大大件，絕是健康版巨無霸！《冬蔭功辣蝦卷通粉》$98🌶🦐冬陰功意粉呢款fusion 菜唔係好多地方有得食，呢度嘅冬陰功意粉特別在於除咗香茅味濃烈之外，同時亦保持到意粉嗰種奶油creamy嘅口感，因此唔亦唔會好辣，卷通粉就比較有咬口，深得小編鐘愛🙈，最後將啲溫室菜苗放喺面，好有花園野餐感覺，非常吸睛🤩📷另外，只需補$20起就可以加購一款咖啡，呢度嘅咖啡質素都有水準，果味都幾香，半價就加購絕對吸引～☕️