人和月雞煲火鍋店 (Closed)

👍🏻澳洲M4和牛海鮮大滿貫(兩小時任飲任食) $398套餐包左頭盤、海鮮盤同美國牛肉大滿貫各一份另有40幾款火鍋配料同飲品自助無限量供應，仲有糖水同雪糕但我地食完頭盤、海鮮盤同牛肉盤都飽咗，好豐富😆-🔸自家製酥皮麻辣芝士雞煲 +$58/2人份頭盤四揀一，亦可以加錢升級頭盤三揀一我地揀咗比較少見嘅自家製酥皮麻辣芝士雞煲酥皮夠酥脆唔會太厚身，一切啲酥皮碎彈到周圍都係🤪入面係麻辣芝士雞煲，可以揀辣度芝士中和咗辣度，中辣都唔會太熗辣，大約譚仔三小辣中帶微甜，有種甜醬油嘅味道，唔會死鹹，辣得嚟幾香😌芝士半溶拉絲，味道唔會太濃太搶令麻辣雞煲多咗份淡淡芝士鹹香，又唔會蓋過雞煲本身嘅味道雞肉主要都係雞腿肉，連少少雞皮厚肉大舊又嫩滑，入味無雪味，份量都唔少酥皮連埋雞肉食有種雞批嘅感覺🤣加上酥皮沾滿啲醬汁勁正，估唔到酥皮同雞煲都可以咁夾升級頭盤仲送每人一隻冰鎮醉鮑魚酒味唔會太濃，有淡淡花雕酒香，鮮甜彈牙好新鮮👍🏻-🔸藥膳養生牛奶湯火鍋湯底六揀一或加$30轉鴛鴦鍋滾起已經聞到好香藥膳味，仲見到好多材料滾湯食落藥膳味就唔太重，湯底比較淡口味更容易食到食材本身嘅味道-🔸海鮮盤包括日本扇貝、大連鮑魚、鮮海蝦、蜆同