Video
Read full review
2015-11-02
573 views
自家製麵條出色特別，願意為食客花心機的可愛意大利餐廳！意大利餐廳Petit Deli位於尖沙咀河內道，近N2出口，一出地鐵站就見到雖然餐廳細細但係呢感覺好年輕有活力！今次第一次來呢一間餐廳食飯，但係呢就點左好多令人覺得回味嘅美食！最最最吸引我嘅就係佢哋嘅自家製意粉啦，佢哋嘅意粉呢係自家製，製作過程中會加入唔同嘅材料造麵。呢個星期嘅就係有菠菜麵同埋甘筍面呢個自家製菠菜麵配三文魚：用上彈牙應人嘅粗身波菜麵，比起平時食到嘅預製意粉，跟彈牙更有口感，用上新鮮菠菜做嘅面有少少嘅青綠色感覺新鮮，雖然菠菜味都唔算濃郁但係麵條本身有少少嘅鹹香，配上忌廉汁同三文魚碎，鹹香惹味，與別不同！麵條成為整個菜式嘅靈魂，寬闊嘅麵條更能掛汁，呢種質感同呢個心機一試難忘，唔怪之得咁多人會來呢一度食呢個自家製嘅麵條啦！另外一個係甘筍麵做嘅海鮮甘荀闊麵海鮮很多很足料，鮮大蝦，青口，尤魚等等。同菠菜麵一樣都好有口感，呢一個甘筍味比菠菜味濃，海鮮配上甘筍味嘅麵條配搭特別！不過我都係鍾意波菜麵多啲。除咗出色嘅自家製意粉好食之外我哋呢度嘅Pizza亦都好出色今次是嘅就係雜菌pizza黑松露野菌Pizza，野菌味香濃灑上分上的芝士
自家製麵條出色特別，願意為食客花心機的可愛意大利餐廳！
意大利餐廳Petit Deli位於尖沙咀河內道，近N2出口，一出地鐵站就見到雖然餐廳細細但係呢感覺好年輕有活力！
今次第一次來呢一間餐廳食飯，但係呢就點左好多令人覺得回味嘅美食！
最最最吸引我嘅就係佢哋嘅自家製意粉啦，佢哋嘅意粉呢係自家製，製作過程中會加入唔同嘅材料造麵。呢個星期嘅就係有菠菜麵同埋甘筍面
自家製菠菜麵配三文魚
14 views
0 likes
0 comments
自家製菠菜麵配三文魚
17 views
0 likes
0 comments
海鮮甘荀闊麵
56 views
1 likes
0 comments
海鮮很多很足料，鮮大蝦，青口，尤魚等等。同菠菜麵一樣都好有口感，呢一個甘筍味比菠菜味濃，海鮮配上甘筍味嘅麵條配搭特別！不過我都係鍾意波菜麵多啲。
黑松露野菌Pizza
15 views
0 likes
0 comments
黑松露野菌Pizza，野菌味香濃灑上分上的芝士粉，更加能提升野菌嘅香味，屬於結實，厚度適中嘅餅底，全人手製成，很有口感，外邊燒得乾脆，中間的餅底富有韌度，我記得價錢好似都係只係需要百二蚊，大個又超值，一定要食！
黑麥啤酒燒豬扒
22 views
0 likes
0 comments
豬扒用料很靚，厚切嘅豬扒外面煎得剛好，很juicy，汁能鎖在肉汁裏面 . 喺咬緊juicy 嘅豬扒時，會感覺到少少嘅麥啤香味，呢一種淡淡的麥啤苦澀感，更令豬扒嘅味道昇華。份量比較大啊！女仕們一定要share 食！
芒果蟹肉雞卷
13 views
0 likes
0 comments
好多時芒果都可以配搭到唔同嘅肉類或者可以先成為一道新鮮嘅菜式，記得有一次響長洲食過芒果魚卷，最二想唔到嘅就係芒果竟然可以同中餐的魚配合得咁好，而呢個意大利式嘅芒果蟹肉雞卷當然不在話下啦！
用上大大塊嘅雞脾肉，捲着好甜嘅芒果同埋鮮味蟹柳，澤到實一實再焗佢，芒果嘅甜味深入雞肉中令到雞肉食落去更好吃！而且雞肉谷口都十分之嫩口！份量也很夠大。
自家製意大利芝士餅
7 views
0 likes
0 comments
慕士輕盈細滑，奶味香濃而且餅底唔會浸得太過多嘅咖啡而影響到成個芝士餅嘅質感。呢一個咁細心嘅做法真係very good! 只係有點傷心嘅係，佢的鹹點份量很足，但唔知點解佢嘅甜品好細，三幾啖就已經成個食晒啦！
我覺得呢一度好適合一班朋友來食飯，最主要嘅原因就係位置方便啦，又近商場啦！同埋呢佢嘅份量呢都大，好我哋四個人叫三主菜，一前菜同埋甜品都已經好飽，可以開心share . 而且食物都好有特色！
另外要同大家講嘅就係呢一度嘅自家製檸檬茶超級好飲！不過唔記得影相！哈！
Post
