喜相逢 (砵蘭街)

Open Now

Now Closed

好耐都冇食過餃子啦，於是同家姐去咗太子一間餃子店食餃子。我哋點咗白菜豬肉餃拼西洋菜豬肉餃，每款4隻，呢一碟餃子係煎嘅。個皮煎到脆脆地，另外啲餃子因為係自家製嘅，所以比出邊連鎖餃子店好食。另外點咗，芹菜豬肉湯餃。呢款餃子裏邊有湯，湯裏邊有啲生菜。水晶皮蛋辣辣地唔錯，夠鹹香啊。豆漿就係大和豆漿，都幾香口。雞絲湯麵，冇乜特別，如果唔夠飽先叫都仲可以。間餐廳因為佢夜晚做酒吧生意，所以佢裝修係比一般嘅餃子店靚，同埋坐得闊落啲。