Video
Read full review
2023-12-21
45 views
一向無飯癮，平日最愛就係吃麵食做午餐。最近又畀我喺嘉咸街搵到間取名「六游」嘅新開麵店。餐廳主打自家熬製濃湯上海麵，店內地方不大，但裝潢頗有特色，尤其是牆上嗰幅以粉筆繪畫嘅黑板畫，以港產電影橋段為主題，令人眼前一亮！細看餐牌，湯麵貴精不貴多，只有 3 款，分別為《六游雞湯上海麵》、《六游香辣雞湯上海麵》及《六游三鮮魚湯上海麵》，另有仲有 6 款小食同自家飲品等供應。點咗雞湯上海麵 ($82) 同 三鮮魚湯上海麵 ($108)，前者麵食以雞湯為基調，再配上豬骨用文火慢熬而成，湯身飲落好順喉，濃郁又不油膩。餸料有雞胸、雲耳、蓮藕、蔥花和洋蔥，雞胸以慢煮方式烹調，再用火槍輕輕炙燒過，入口濕潤鮮嫩，完全無渣。麵條煮得啱啱好，軟熟得嚟有咬勁，掛湯力一流！至於另一碗三鮮魚湯上海麵亦做得非常用心，魚湯以時令鮮魚熬製，再淋上香濃蝦汁，鮮味越飲越突出。配料除咗基本嘅雞胸、雲耳、蓮藕和蔥花等外，還加入了蝦隻、蟹肉同魷魚，令味道鮮上加鮮。小食選了莎莎豆腐 ($28) 同 蟹肉黃金蓮藕 ($38)，豆腐軟嫩滑溜，入口帶淡淡豆香，面頭嘅莎莎以蕃茄、洋蔥同茄子蓉炮製而成，味道酸甜清新，好適合作小吃享用。蓮藕爽甜清脆
一向無飯癮，平日最愛就係吃麵食做午餐。最近又畀我喺嘉咸街搵到間取名「六游」嘅新開麵店。
餐廳主打自家熬製濃湯上海麵，店內地方不大，但裝潢頗有特色，尤其是牆上嗰幅以粉筆繪畫嘅黑板畫，以港產電影橋段為主題，令人眼前一亮！
細看餐牌，湯麵貴精不貴多，只有 3 款，分別為《六游雞湯上海麵》、《六游香辣雞湯上海麵》及《六游三鮮魚湯上海麵》，另有仲有 6 款小食同自家飲品等供應。
點咗雞湯上海麵 ($82) 同 三鮮魚湯上海麵 ($108)，前者麵食以雞湯為基調，再配上豬骨用文火慢熬而成，湯身飲落好順喉，濃郁又不油膩。
餸料有雞胸、雲耳、蓮藕、蔥花和洋蔥，雞胸以慢煮方式烹調，再用火槍輕輕炙燒過，入口濕潤鮮嫩，完全無渣。麵條煮得啱啱好，軟熟得嚟有咬勁，掛湯力一流！
至於另一碗三鮮魚湯上海麵亦做得非常用心，魚湯以時令鮮魚熬製，再淋上香濃蝦汁，鮮味越飲越突出。
配料除咗基本嘅雞胸、雲耳、蓮藕和蔥花等外，還加入了蝦隻、蟹肉同魷魚，令味道鮮上加鮮。
小食選了莎莎豆腐 ($28) 同 蟹肉黃金蓮藕 ($38)，豆腐軟嫩滑溜，入口帶淡淡豆香，面頭嘅莎莎以蕃茄、洋蔥同茄子蓉炮製而成，味道酸甜清新，好適合作小吃享用。
蓮藕爽甜清脆，加上自家調製嘅鹹香黃金蟹肉醬，滋味無窮。
飲品有可樂、啤酒同茉莉香片可供選擇，冷泡茶茶色金黃，入口甘醇順喉，花香濃郁。
Post
