豐石板燒專門店 (Closed)

早幾日又心思思想去鋸扒 我地揀左間未試過既石板燒專門店 決定恨恨地大吃一餐近呢2年愈開愈多呢煩石燒店 我同小胖男友都試過好多間 而今次呢間既質素同服務算係當中數一數二好既 衛生程度亦較高麵豉湯同白飯任飲任食是非常吧 但第一次見會有飯素提供 而麵豉湯既味道亦唔錯 沙津係獨立一樽樽放雪櫃自己拎 沙津醬,胡麻醬等等 想要咩醬 悉隨專便扒類有好多款選擇 我地揀左美國Prime牛肩胛肉眼扒同封門柳 略燒過一成熟既牛扒同preheat左既石板係分開上既呢個方式比起平日一齊上感覺良好得多 唔駛彈到周圍都係油之餘 又唔怕反唔切 燒熟晒塊牛扒第一次食石燒既封門柳 質地較軟淋同重肉味牛肩胛肉眼就著重口感同比封門柳juicy多肉汁 連住牛膏既位就最正最好食除左扒 呢間石燒店仲有海鮮同小食叫左個炸芋頭波波 岩晒鐘意食芋頭既小胖男友最後讚一讚舖頭特製既兩款鳥龍茶 好甜好香茶味 解油消滯一流