豚王 (新城市廣場) (Closed)

今日喺沙田放工，約左朋友喺新城市廣場搵食。放工時間周圍都好多人，但見豚王少d人，等左5分鐘就有位。入到去環境都唔錯，但我個位咁啱有條橫柱頂住伸唔到腳，唔太舒服😞。至於拉麵，叫左碗肩肉豚王（豬骨湯）幼麵，普通醬油走油走蒜。淨湯底巳經好香，麵條有韌度，兩塊肩肉唔太肥，夾埋一齊食啱啱好。平時食拉麵都覺得d湯好鹹，食完之後勁口渴，但豚王就唔會，可以自己揀湯底，少油少味精，食完都冇咁肥。😎😎朋友叫左碗黑王（墨魚汁湯底），少辣。碗麵上面有個類似黑色雪糕球的物體，朋友話食落去好似係蒜粒，湯底有海鮮味，徝得一試。另外試埋兩款日本啤酒🍺，惠比壽全麥啤酒（金色）和札幌啤酒（銀色）。推薦前者，麥味比較重😋。