Video
Read full review
2021-12-04
912 views
用咗open rice咁多年，第一次有間餐廳俾我嘅體驗喺：我必須要為佢寫一篇詳細食評。本人好鐘意食sushi，所以每個月都一定會食2，3次omakase。我唔敢講我喺呢方面有咩心得所以先大言不慚喺呢度寫食評，因為今次嘅體驗喺就算你冇食過omakase，你都會覺得惡劣。首先，講服務，一到步有人求求其其接待咗之後就叫我哋企喺度等一下，執緊枱。我當日拎咗好大袋嘢，有位女士就話要幫我keep起佢。好啦，我對keep起佢嘅定義喺，你會揾個隱蔽嘅地方安置我嘅隨身物品。可能係我公主病啦，我一入去，就發現果袋野坐咗我個位，而我後面有張凳就放咗唔知邊個個袋。我唔介意你冇幫我放好，但你張凳，肥啲都坐唔到，到底放袋好定我坐好？同行友人背囊一樣要放地下，又睇唔到你枱底有冇勾。後來有個男仔發現原來放咗袋我喺會冇位坐嘅，先幫我拎走咗袋嘢去「keep起佢」。好啦，講完服務，入正題，講食物。冇記錯，得一個set，大概$1750左右一位。omakase嚟講，單評論價錢，唔算貴。第一道喺象拔蚌刺身。嘩!一陣雪藏味，好想知喺唔喺同寶達訂嘅。之後果幾碟，我相信我訂市面上好多日本食材嘅質素輕輕鬆鬆都好過佢。然後鮑魚肝醬都係重頭
本人好鐘意食sushi，所以每個月都一定會食2，3次omakase。我唔敢講我喺呢方面有咩心得所以先大言不慚喺呢度寫食評，因為今次嘅體驗喺就算你冇食過omakase，你都會覺得惡劣。
首先，講服務，一到步有人求求其其接待咗之後就叫我哋企喺度等一下，執緊枱。我當日拎咗好大袋嘢，有位女士就話要幫我keep起佢。好啦，我對keep起佢嘅定義喺，你會揾個隱蔽嘅地方安置我嘅隨身物品。可能係我公主病啦，我一入去，就發現果袋野坐咗我個位，而我後面有張凳就放咗唔知邊個個袋。我唔介意你冇幫我放好，但你張凳，肥啲都坐唔到，到底放袋好定我坐好？同行友人背囊一樣要放地下，又睇唔到你枱底有冇勾。後來有個男仔發現原來放咗袋我喺會冇位坐嘅，先幫我拎走咗袋嘢去「keep起佢」。
好啦，講完服務，入正題，講食物。冇記錯，得一個set，大概$1750左右一位。omakase嚟講，單評論價錢，唔算貴。第一道喺象拔蚌刺身。
嘩!一陣雪藏味，好想知喺唔喺同寶達訂嘅。之後果幾碟，我相信我訂市面上好多日本食材嘅質素輕輕鬆鬆都好過佢。然後鮑魚肝醬都係重頭戲，食落又苦又有渣嘅鮑魚肝醬我真係未食過，
啲渣大粒到唔洗微距都睇到，結果我哋求其食咗塊鮑魚就算。壽司方面，師傅刀工未到家，件件魚都切到一忽忽。壽司飯好黏，飯嘅温度時凍時熱，同每一件刺身都形成強烈對比。
最令我覺得唔可以接受嘅係小肌魚，魚身超級無敵「嚡」，我呑嘅時候發現有一條魚骨，但已經太遲，同友人講我覺得有骨嘅時候，佢仲問喺唔喺因為件魚太「嚡」咋？可想而知，有幾難食，都冇人諗過omakase嘅刺身居然會有骨。
接下來食果幾件壽司我都小心翼翼，然後又俾我喺鰻魚卷裏面食到一條較粗身嘅骨。
到最後玉子燒，師傅好簡單而隆重哋拎咗個剛剛燒完魚嘅炭爐燒俾我哋食，以為玉子燒應該冇骨啦，一入口，凍㗎，果種凍係真係剛剛係雪櫃拎出嚟嘅凍，絶對唔係室温。而成餐飯食咗整整3個小時，所有嘢都好慢好難食，唯一可取，應該喺不停可以refill嘅鱈魚乾。食完呢餐飯，我喉嚨發炎痛咗好幾日，醫生話應該喺真喺魚骨刺傷。本來放幾日假要好好享受生日，安排好嘅飯局，每一餐喉嚨都痛到食唔落。本身食好西應該喺為咗心情愉悅，慰勞自己，結果自討苦吃，正宗貼錢買難受，總之，呢一次經歷實在不吐不快。
Post
