DAMA (Closed)

早前在ＩＧ見過，其雪糕顏色鮮艷奪目，對它頗有印象。今日經過 K11 Musea 終於試到。雪糕與賣相相符估唔到咁好味。另外，雪糕以外仲有飲品和小食供應，有單點和套餐選擇，價錢合理，堂食座位有限，幸好當時有位。店內有個特別搶眼的呃like位，影相食先的我當然唔會放過～貓山王榴槤雪糕 $68揀了紅色雪糕筒，有紅色筒和黑色筒選擇，兩者味道無異，只是滿足視覺而已。榴槤味濃郁入口即融，口感細滑，啖啖榴槤果香，好似食緊D24榴槤一樣，依個價錢食到確係物有所值。雙味軟雪糕水果杯 $74揀左藍莓純素乳酪和士多啤梨純素乳酪。乳酪味道酸甜，莓味開胃醒神，口感幼滑，好多生果食得健康。卷物套餐(卷物＋飲品) $88套餐：日式麻醬烤豆腐卷卷皮薄包得扎實，爽脆嘅羽衣甘藍滿滿的，夾住似雞肉口感富豆香的百頁豆腐，仲有青豆、甘荀絲、牛油果、車厘茄等，咬落口感豐富，撈左美味的麻醬作底鹹鹹甜甜，簡單美味食得健康的卷物。套餐：招牌鮮果烏龍茶烏龍茶味香濃，配以多種大片鮮果，飲落有幾分果香，口感細膩，令人心曠神怡。