喫麵 (愉景新城) (Closed)

Lunch Time間間都高朋滿座, 又趕住食, 見呢間唔洗等位, 就放膽一試啦。Menu隨咗正常既麵之外, 俾我見到竟然有海南雞叻沙咁破格既配搭, 見88蚊包野飲, 價錢尚算ok, 就叫咗呢個。 分開逐樣講...湯底: 麵最緊要係湯底, 先試個湯, 係ok既, 有咖哩味、有椰香味, 味精唔明顯。都幾食得辣既我, 覺得完全唔辣。麵: 大部份係車仔麵個種油麵, 有少量米粉, 芽菜份量適中。餸: 成碗最正係豆卜, 索滿湯, 好食! 不過主角個D所謂「海南雞」, 淡而無味不特止, 仲骸過Nike! 可能咁啱全部係雞胸囉...飲品: 有汽水、檸荼、五六款揀, 跟餐免費, 但係.... 「大」杯到一個極點! 扣除冰既份量, 可能得200ml左右。可取之處: 夠飽, 份量對得住價錢。進步空間: 雞胸骸唔係絕對, 當然明白, 開得係地產霸權商場, 不得不將價就貨。