韓閣 (Moved) New Location

去左路德圍食韓國餐，雖然店鋪細細但好多野食。一坐低韓國菜指定動作，店員奉上兩款餐前小食，泡菜同菠菜，先叫個傳統的小食海鮮煎餅($72) ，估唔到都咁大份，材料都多，海鮮有魷魚、蝦仁、章魚，韮菜。味道唔算濃，蘸啲沙律醬更好味。之後叫炸雞，驚叫半隻食唔少，叫了個只有雞翼同雞膇的炸雞，超香牛油味的脆爆雞膇翼$58，熱騰騰香噴噴，勁鬆脆,餐廳還提供膠手套，真細心。不得不讚係加幾蚊就叫到杯特飲，加$5有人蔘蜜，好香人蔘味，去邊搵。再來加$14 有杯柚子青檸特飲，有鮮檸檬同青檸檬，夠晒怡神。