阿來泰式地道風味 (Closed)

長沙灣新開呢間泰國菜館, 每次經過門口都有一大堆人在等候, 今日終於有機會來食過晚餐， 餐廳空間寬敞, 環境好光猛, 菜色選擇亦都有好多, 晚上七點幾已經座無虛席, 好誇張!黃咖哩牛腩煲$78, 好香咖哩味，咖哩汁好濃郁，用嚟撈飯好惹味，雖然係黃咖哩，但係唔會好辣，仲有少少甜甜地， 牛腩都好大件，配合埋薯仔、青椒等其他香料，好醒胃!炸蝦餅$68, 見到好多枱食客都有叫，所以我哋都叫一客來試試， 分量都唔少，兩個人食啱啱好，蝦餅用料好足夠，咬落好紮實，好彈牙，外皮炸得好香脆，其實食完個炸蝦餅已經感覺好飽肚，不過真係好好食!泰式蒜蓉燒虎蝦$98, 雖然份量只有兩隻, 不過隻蝦好大隻， 擺上枱都好香, 燒得好靚, 完全 冇燒焦嘅情況， 食落啖啖肉， 好痛快，肉質又彈牙，而且鮮甜，正!下次來可以再試吓其他菜式！