euro go go

Open Now

Now Closed

昨晚和老公去葵芳行街食飯，經過Euro gogo見有位就拉左老公直衝入去坐底，咁就決定在這裡食晚餐，因平時見到很多人在等位的；之後他就出去點餐，因這店是要自己出去收銀處落單，然後會有服務員送來；店内環境裝修簡單，座位與座位之間有些窄；大約等了10 分鐘左右，食物陸續送來。老公點了半份超級pizza (3件 ~ $48), 話明超級當然有很多配料，芝士又夠多，不過就拉唔到有絲，但都好好味，同埋可以叫半份，可以留番個肚試其他野； 蜜糖雞翼 (5隻 ~ $44), 皮脆肉嫩，蜜糖夠多而不太甜，簡直係我既至愛 yummy! 吞拿魚薯皮 (3件 ~ $44), 薯皮焗到脆卜卜，面頭仲有芝士，芝士加吞拿魚再加茄汁簡直完美配搭，好味！ 芝士白汁海鮮意粉 ($64), 海鮮正常料(有蝦，魷魚，魚塊和蜆肉), 汁ok多，但味道一般。 初頭以為2 個人未必食得晒， 點知食下食下又食晒，但好飽, 2 個人剛剛$200, 本人勁推介蜜糖雞翼，無得輸呀