百川薈

Open Now

Now Closed

今日點咗3樣嘢食。首先係雞煲，雞肉鮮嫩多汁，味道調得啱啱好，唔會太辣又唔會太咸，呢度嘅雞煲真係好開胃，忍唔住都要食返碗飯撈埋啲汁食🤤🤤。食完雞煲之後，服務員好貼心幫我哋加水。我哋就可以打邊爐luuu🥳。呢款牛肉質地軟嫩，肉味濃郁，每片都切得好平均好薄，涮過後依然保持鮮嫩多汁，真係一片接一片咁食，停唔到口。最後係牛肉炒通菜。呢道菜色香味俱全，牛肉滑嫩，通菜爽脆，兩者完美結合，都係好適合配飯。今次的用餐體驗唔止食物美味，服務仲非常周到。服務員會細心地攪拌雞煲，確保每一口都均勻入味、唔黐底，令整個用餐過程更加愉快和無憂。總的來講，雞煲的濃郁、安格斯牛肉的鮮美多汁、牛肉炒通菜的清新爽口都令我哋好滿意。餐廳性價比高，下次一定會再去食！美味：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭：⭐️⭐️⭐️⭐️⭐️ 百川薈 (佐敦)📍佐敦德興街2號地舖