雞翼山 (新都會廣場) (Closed)

去新都會，最鍾意飲天仁茗茶，順路去埋隔離舖雞翼山食雞翼。食完炸雞翼再歎番杯凍飲，正！噉啱見到雞翼山老闆，佢話遲啲會轉口味，心大心細諗噉食咩味好呢，會唔會之後冇得再試架。。。等我揀仲未試嘅味道先，花醬麻香同埋柚子。要食柚子先，因為避免麻醬搶晒啲味。柚子個味好似韓國柚子茶，柚子味好香，仲加左啲糖喺上面，甜甜的好開胃。但相比上次食玫瑰蜜糖味，都係鍾意蜜糖多啲，加埋淡淡的玫瑰香，果然係招牌好味。另外呢個花醬麻香，似擔擔麵個麻醬，如果冇咁咸同埋辣味再多啲就正喇，突然好想加個撈麵添😂。佢加$18有凍飲，有橙茶同水蜜桃茶，下次考慮下喺度買埋先。