金鷺湖

Open Now

Now Closed

臨近聖誕，想同屋企人食吓嘢賞下風景放鬆一下，近日去咗大埔嘆茶，今次已經係第二次去了，多了聖誕裝飾打吓卡，風景依然優美，一路食嘢一路望住風景一樂也。玫瑰金蝦餃好搶眼，外皮呈金色的，皮薄餡靚，蝦彈牙爽口超大隻。百花蘿蔔糕蘿蔔糕就食得多，百花釀第一次試，彈牙的蝦膠讓了在蘿蔔糕上，兩種不同的口感放埋一齊，豐富了蘿蔔糕的層次，煎得好香脆。黑椒安格斯牛肉腸雖然加咗黑椒，但係唔覺得辣，採用了優質的安格斯牛肉，令平平無奇的牛肉腸升價十倍。鹹水角啤梨賣相趣緻可愛， 呈青綠色，餡料相對豐富。鮮茄魚湯鮮竹卷魚湯好鮮甜，加咗鮮茄添了顏色之餘多咗一份蕃茄清新，餡料豐富，有蝦、菇、肉、蕃茄。雙色馬拉糕兩隻色水，有普通和黑糖，梅花間竹，賣相特別，不過本人覺得稍為偏甜，淡少少味就更好了。