Video
Read full review
2021-06-30
568 views
今次呢篇食評其實係3月時幫襯，因為呢一年去唔到旅行✈️，大家只能夠留係本地周圍發掘好去處；咁岩個排見到有媒體介紹坪洲開左間文青cafe☕️附口幾個特色景點📍，工作壓力爆棚既我就決定去離島🏝行下當散心😶.山長水遠去到坪洲本來係想去幫襯個間文青cafe，奈何佢地5點關門而當日3點幾去到前面排左十幾人👭🏻👫🏼，考慮到店內外既座位唔多，肯等都未必等到就唯有轉場😩島上其實只有3間cafe，之所以幫襯今次介紹既呢間Second Serve Coffee係因為另一間家庭式cafe並無食物供應，咁既情況之下都無得揀😆.作為一間西式cafe，呢度咖啡☕️同鹹甜點🥧🍩既味道都係偏向西式，其實就唔太對得上本人既味蕾😅不過都想介紹返呢間cafe最特別之處係一個舖位分開左兩邊，外籍店主兩夫婦一位負責打理cafe，另一位就係網球教練係另一邊室內網球場教球🥎，如果有緣遇著上堂時間可以係cafe呢邊瞄到球場上堂既情況👀，算係幾有趣既用餐體驗🤣******************************✨ Egg & bacon bagel sandwich🥚🥓🥯 ($45)呢度既everything bagel🥯同係西式連
今次呢篇食評其實係3月時幫襯，因為呢一年去唔到旅行✈️，大家只能夠留係本地周圍發掘好去處；咁岩個排見到有媒體介紹坪洲開左間文青cafe☕️附口幾個特色景點📍，工作壓力爆棚既我就決定去離島🏝行下當散心😶.
山長水遠去到坪洲本來係想去幫襯個間文青cafe，奈何佢地5點關門而當日3點幾去到前面排左十幾人👭🏻👫🏼，考慮到店內外既座位唔多，肯等都未必等到就唯有轉場😩
島上其實只有3間cafe，之所以幫襯今次介紹既呢間Second Serve Coffee係因為另一間家庭式cafe並無食物供應，咁既情況之下都無得揀😆
.
作為一間西式cafe，呢度咖啡☕️同鹹甜點🥧🍩既味道都係偏向西式，其實就唔太對得上本人既味蕾😅
不過都想介紹返呢間cafe最特別之處係一個舖位分開左兩邊，外籍店主兩夫婦一位負責打理cafe，另一位就係網球教練係另一邊室內網球場教球🥎，如果有緣遇著上堂時間可以係cafe呢邊瞄到球場上堂既情況👀，算係幾有趣既用餐體驗🤣
******************************
✨ Egg & bacon bagel sandwich🥚🥓🥯 ($45)呢度既everything bagel🥯同係西式連鎖咖啡店食到既分別不大，食慣手作bagel既朋友大概會同我一樣覺得口感偏乾無乜彈性😅
配料有芝士🧀、煙肉🥓、炒蛋🍳同芽菜苗🌱，炒蛋口感近似麥記早餐既炒蛋，略為粗糙同未經調味，不過上面加左d香草🌿，加埋煙肉同芝士，味道不至於過分清淡🤔
若然只求飽腹，呢份bagel sandwich係絕對無問題既👌🏻，但對於我呢種挑剔既吃貨黎講，個人認為佢既味道同口感只屬一般🤫
-
✨ Carrot cake🍰 ($35)
玉桂既香氣同甘筍🥕既香甜係呢款蛋糕既特色🌟，味道亦會比一般蛋糕稍甜🤏🏻，某次無意之中品嘗過之後就一試愛上💗 個人幾鐘意佢個陣香料味，不過身邊就無咩人欣賞🤣
呢件carrot cake口感較為濕潤💧， 玉桂同甘筍既味道都幾突出，並無想像中既甜到漏(事前已經做定心理準備😆)
面頭既cream cheese都做到butter效果，唔會過於乳狀，加埋南瓜籽同果乾令味道層次更豐富，係合格既一件蛋糕✔️
-
✨ Latte☕️ (Regular $34 / Large $38)
正如一開始所言，呢度飲/食到既係西式味道，咖啡☕️選用既咖啡豆亦無特別講究nutty🌰又或者係fruity🍇，對我黎講呢度杯latte只能夠被形容為一杯white coffee，味道普通飲完唔會留下深刻既印象🤭
-
✨ Beary blue latte🐻 ($40)
被單張上4杯分別係Blue💙、Strawberry🍓、Choco🍫同Matcha🍵既熊仔造型latte🐻所吸引，搞到平時飲開咖啡☕️既我都轉軚叫左杯專為小朋友而設既不含咖啡因beary latte🙉
落單前有向外籍店員了解過到底blue latte係咩味，當時店員表示係由一款我聽唔明既flower🌸而製，點知飲左一啖之後只覺得味道係好甜❗️好甜❗️同好甜❗️🌚
事後先知原來呢杯latte係由一種藍色既糖漿加牛奶🥛整成，難怪咁甜😥 如果係俾小朋友👶🏻👧🏻飲既，⚠️記得一定一定一定要向店員要求少甜呀🥴******************************
👧🏻人均消費：$70-$80
😋味道指數：2.5/5
💰抵食指數：3/5
🪑環境指數：3/5
💁🏻♀️服務指數：3/5
👍🏻再訪指數：2.5/5
-
📍Second Serve Coffee
地址：坪洲寶坪路12號嘉暉花園地下10號舖
⏰營業時間：06:00–19:00 (Mon–Fri)；
07:00–19:00 (Sat–Sun)
Post
